Laborategietara bisita gidatua

Laborategietara bisita gidatuak

869x400

DBH, batxilergo eta Lanbide Heziketako ikasleei zuzendutako Mondragon Goi Eskola Politeknikoan laborategietara bisita gidatuak

Emakumeei gaztetatik arlo zientifikoa modu naturalean hurbiltzea helburu duen ekintza izango da Mondragon Goi Eskola Politeknikoak antolatutakoa. Mondragon Unibertsitateko campus ezberdinetan, laborategietara bisita gidatuak izango dira bertako egunerokotasuna ikertzaile eta irakasleen bitartez ezagutuz:

  • ARRASATE Iturripe Campusa (Aforoa: 25)

Iturripe Campuseko hainbat laborategi ikusteko aukera eskainiko da: Hauetan, ingeniaritzako arlo ezberdinekin zer ikusia duten eta disziplina ezberdinekin lotura duten laborategiak ikusteko aukera egongo da. Hala nola, produktuen diseinu eta ekoizpena, mekanika, biomedikuntza, infromatika eta elektronika hain zuzen ere. Guztietan, bertako tresneria eta horien aplikazioak gertutik ezagutzeko aukerarekin.

  • HERNANI Galarretako Eko Campusa (Aforoa: 30)

Garapen jasangarria oinarri eta ardatz hartuta, teknologia jakintzak barneratu eta, aldi berean, ingurumenaz arduratzen diren pertsonak prestatzen dira Galarretako EKO Campusean.

Hainbat laborategi bertatik bertara ikusteko aukera eskainiko da, hala nola: fabrikazio gehigarria, energia biltegiratzea, materialak etab. Ingurumenaren neultraltasunari buruzko aurrerapen teknologiak ezagutzeko aukera ere egongo da gainera.

  • BILBAO Bilbao As-Fabrik Campusa (Aforoa: 26)

Fisikako laborategira bisita, bertan dauden esperimentuak lehen pertsonan ikusi eta probatzeko aukera eskainiko da. Fisikarekin eta honen aplikazioarekin lotutako arlo ezberdinak ezagutuko dituzte: uhinak, termodinamika, erresonantzia, elektromagnetismoa, etab.

  • ORDIZIA Goierriko Campusa (Aforoa: 25)

Goierriko campuseko laborategi interaktiboak ezagutzeko aukera egongoda, Gela inmersiboa eta Gela interaktiboa hain zuzen ere. Lehenean, Goi-mailako zikloetako eta Ingeniaritzako ikasleek sortutako makina batzuk ikusi ahal izango dira. Ikasleei zentral hidroelektrikoetan eta antzeko aplikazioetan erabiltzen diren balbulen berri ematea da helburua. Bigarrenean, aurkezpenak egiteko modu berritzaile bat aurkeztuko da lainoan oinarrituriko sistema bat erabiliz.