Berriak

Mondragon Goi Eskola Politeknikoak bokazio zientifiko-teknologikoak sustatu ditu Emakume eta Neska Zientzialarien Nazioarteko Egunean.

Oñatiko eta Aretxabaletako 130 ikaslek parte hartu dute Mondragon Goi Eskola Politeknikoak sustatutako jardunaldian, GARAIA Parke Teknologikoan.

---

Mondragon Goi Eskola Politeknikoak berriro ere agerian utzi du adin goiztiarretatik bokazio zientifiko-teknologikoak sustatzeko duen konpromisoa, Emakume eta Neska Zientzialarien Nazioarteko Eguna dela eta GARAIA Parke Teknologikoarekin elkarlanean antolatutako jardunaldiaren bidez. Ekimenak Txantxiku Ikastolako (Oñati) eta Kurtzebarri Eskolako (Aretxabaleta) 130 ikasle bildu ditu berrikuntza- eta ezagutza-ingurune erreal batean.

Jardunaldiaren helburu nagusia izan da emakumeek STEM arloan (Zientzia, Teknologia, Ingeniaritza eta Matematika) duten eginkizuna ikusaraztea eta ikasleei erreferente hurbil eta errealak eskaintzea, etorkizuneko ibilbide akademiko eta profesionaletan inspirazio izan daitezen.

STEM arloko emakume erreferenteak

Ekitaldiaren ardatza mahai-inguru bat izan da, eta bertan parte hartu du Nagore Otegik, Mondragon Goi Eskola Politeknikoko profesionalak, beste erakunde batzuetako ordezkariekin batera. Beste parte hartzaileak: Anne Sanz (IDEKO), Ainara Gómez (Ikerlan) eta Aitana Gomez (Ekitermik). Saioan zehar, hizlariek beren ibilbide akademiko eta profesionalen berri eman dute, hasierako urratsak, aurrez aurre izan dituzten erronkak eta arlo zientifiko eta teknikoan beren ibilbidea markatu duten erabakiak partekatuz.

 

Saioan zehar, hizlariek beren ibilbide pertsonal eta profesionalak partekatu dituzte, hasierako urratsak, aurrez aurre izan dituzten erronkak eta arlo zientifiko-teknikoan hartu dituzten erabaki esanguratsuak azalduz.

Mondragon Goi Eskola Politeknikoaren presentziak aukera eman du kalitatezko prestakuntza teknologikoaren garrantzia azpimarratzeko eta unibertsitate- eta berrikuntza-ekosisteman emakume erreferenteak izatearen balioa nabarmentzeko.

Berrikuntza-ingurune erreal batean ikasiz

Mahai-inguruaren ondoren, ikasleek saioan landutako edukiekin lotutako dinamika parte-hartzaile batean parte hartu dute, eta jardunaldiak sari banaketarekin izan du amaiera; saria Eroskik emandako Seleqtia produktuen saski bat izan da.

Programazioak GARAIA Parke Teknologikoko eta gure instalazioetara egindako bisitekin jarraitu du. Bisita horiei esker, ikasleek bertatik bertara ezagutu dute enpresak, zentro teknologikoak eta unibertsitatea elkarlanean aritzen diren berrikuntza-ekosistema bat.